Friday, 20 September 2019

Pravi lider




Bio jednom jedan kralj, koji je imao dva sina. Poslije velike suše koja je pogodila njegovo kraljevstvo, naredio je sinovima da svaki od njih ode i napravi po jedan akvadukt kako bi se voda dovela iz udaljenih dijelova. Koji to bude bolje uradio postaće novi kralj.
Starije sin je izabrao nekoliko najbogatijih kraljevih dvorjana, uzeo vojsku i otišao na sjever da gradi akvadukt. Uz pomoć novca i vojske, uspio je da izgradi akvadukt u planiranom roku od dvije godine. Vodio je računa o svakoj sitnici, vrijedno nadgledao radove, pošteno platio svim radnicima i bio veoma zadovoljan svojim učinjenim poslom.

Kada se vratio u dvor, zatekao je slavlje povodom proglašenja njegovog brata kraljem. Bio je zaprepašten kada je saznao da je njegov brat za samo godinu dana sagradio akvadukt i da mu zato skoro nisu trebale ni pare ni vojska.

Ovo u se činilo toliko čudno da je odlučio je da to pomno ispita. Pronašao je više od jedne nepravilnosti i vratio se u dvor da se požali kralju i spriječi ga da napravi grešku proglasivši njegovog brata za kralja.
-       Zašto to govoriš? Ima li možda nešto što ja treba da znam? – upitao ga je kralj.

-       Oče, ti znaš koliko ja volim mog brata, ali on je dole na jugu osramotio naše ime. Akvadukt je izgradio odstupajući od predviđenog plana. Napravio je i toliko ispusta, da jedva da pola vode uopšte i stiže do našeg dvora. Suprotstavio se premijeru i to pred seljanima, a osim toga nikome nije ni platio za ono što su radili. Čak je i vojnike koristio kao obične radnike. I ko zna šta sve još?
Kralj je, gledajući blago svog sina rekao:

-       Sine, sve to što kažeš je istina! Tvoj brat je imao smjelosti da izmjeni plan kako bi ga popravio. Takože, imao je mudrosti da predloži seljanima nešto što je bilo od koristi za sve njih (da pomoću ispusta i oni dobiju vodu). Tako ih je i ubjedio da sve rade bez plate. Imao je hrabrosti da se pred svima suprotstavi premijeru i zauzme se za pravdu. Time je zadobio poštovanje i simpatije svih vojnika koji su se trudili, čak i više od seljana da urade što više. Njegovo zalaganje je bilo toliko da je i sam radio najviše, ne vodeći računa o tome što je princ. I znaš šta, sine moj? Zato ga svi sada obožavaju i uradili bi za njega šta god bi od njih zatražio. On je više nego njihov kralj, on je njihov pravi vođa!

Princ je otišao, zamišljen. Shvatio je da je ono što je kralj rekao o njegovom bratu istina. I bez razmišljanja je otišao kod njega da mu od srca čestita.

No comments:

Post a Comment